Til baka
Til baka
#reykjavikartsfestival2018 #listahatid2018

Um Listahátíð

Listahátíð í Reykjavík er þverfagleg listahátíð með áherslu á nýsköpun. Hún fer fram í hefðbundnum og óhefðbundnum rýmum um alla borg og teygir sig jafnframt út fyrir borgarmörkin. Listahátíð í Reykjavík hefur verið leiðandi afl í íslensku menningarlífi frá stofnun árið 1970. Hún var tvíæringur frá upphafi en á árunum 2005-2016 var hún haldin árlega. Frá árinu 2016 er hátíðin aftur orðin að tvíæringi. Næsta hátíð fer fram 6.-21. júní 2020.

Mikil listræn fjölbreytni er einkenni Listahátíðar í Reykjavík. Hún vinnur með og leiðir saman opinberar stofnanir og sjálfstæða hópa listamanna á öllum sviðum menningarlífsins. Hún hefur beint frumkvæði að fjölda verkefna, í hefðbundnum og óhefðbundnum rýmum, er alþjóðleg listahátíð sem starfar á breiðum vettvangi. Listahátíð hefur starfað með eða flutt verk eftir mikinn fjölda listamanna.

HÁTÍÐIN LEITAST VIÐ AÐ KOMA STÖÐUGT Á ÓVART, ENDURSPEGLA FJÖLBREYTILEIKA MANNLÍFSINS, VERA SÝNILEG Í BORGINNI OG TEYGJA SIG JAFNFRAMT ÚT FYRIR BORGARMÖRKIN.